Thursday 28 May 2015

Kaun Bada Hai??

Tang si gali hai, magar bahut se darwaazon ko khulne ka rasta deti hai
Roz jaane kitne log is shortcut ka sahara lekar apna waqt bachaate hain

Chhota chhota judkar bada banta hai, chhota hokar hi bada banta hai
Ghar chhota ho ya bada, asmaan har ghar ki chhat se utna hi dikhta hai
Sabhi chaaton se udne waali patangen ek hi assmaan mein tairati hain


In chhoti-chhoti aankhon se bhi hum itni duniya dekh lete hain
Aur is chhote se dil mein hum, kitni yaaden samet lete hain
Chhoti-chhoti yaadon mein hamari duniya samai hai

Kai chhote chhote bachon ne bahut kuchh kar dikhaya hai
Unse bhi chhoti dawa ki goliyon ne, kai logon ko marne se bachaya hai

Khuda ne hi jab insaan ko duniya mein bhejne par itna chhota banaya hai
Phir kyon insaan doosron ko chhota aur khudko bada kehta hai..?

2 comments:

  1. Awesome words, I love this... I have no words to say... keep writing...

    Pooja

    ReplyDelete
  2. Thanks Pooja for appreciation. Your feedback is precious to me. Keep reading my blog :))

    ReplyDelete